Üçündən biri yeni
Avropa İttifaqının üç rəhbərindən ikisi postunu qoruyub. İyulun 16-da təmsilçi orqanın – Avropa Parlamentinin sədri postuna yenə maltalı Roberta Metsola seçilib. O, ilk dəfə 2022-ci il yanvarın 18-də sədrlik mandatı almışdı.
İyulun 18-də icra orqanının – Avropa Komissiyasının sədri vəzifəsində alman Ursula fon der Lyayen saxlanıb. O, 2019-cu il dekabrın 1-dən sədr postundadır.
Dövlət və hökumət başçılarını birləşdirən Avropa İttifaqı Şurasına portuqaliyalı Antonio Koşta sədrlik edəcək. Onun səlahiyyət müddəti dekabrın 1-dən başlayır. Hazırda sədr postunu belçikalı Şarl Mişel tutur.
1957-ci ildə yaradılan Avropa İttifaqı 27 ölkəni bir araya gətirir: Almaniya, Avstriya, Belçika, Bolqarıstan, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan.
