Neft ixracının ünvanları
2024-cü ilin yanvar-iyun aylarında Azərbaycandan 7 milyard 12,1 milyon dollarlıq xam neft və xam neft məhsulu ixrac olunub. Hesabatı yayan Dövlət Gömrük Komitəsi ixrac ünvanlarını statistik dəyərə görə belə sıralayıb: İtaliya, İsrail, Hindistan, Çexiya, Xorvatiya, Almaniya, Tailand, Portuqaliya, Rumıniya, Tunis, Böyük Britaniya, Yunanıstan, Türkiyə, İndoneziya, Polşa, Fransa, Niderland, İspaniya, Serbiya, Özbəkistan.
Yarım ildə Azərbaycanda kondensatla birlikdə 14,4 milyon ton neft çıxarılıb.
İyulun 18-də “AzəriLayt” markalı Azərbaycan neftinin barreli 89,27 dollara satılır.
Dövlət büdcəsində bir barrel neft 75 dollardan götürülüb. “AzəriLayt” yanvara 80,19, fevrala 86,28, marta 87,51, aprelə 91,85, maya 89,10, iyuna 82,75, iyula 90,06 dollarla başlayıb.
Beynəlxalq öhdəlik ölkənin gündəlik xam neft hasilatı normasını 551 min barrel müəyyən edib.
2008-ci ildə neft hasilatı 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton, 2021-ci ildə 34,6 milyon ton, 2022-ci ildə 32,6 milyon ton, 2023-cü ildə 30,2 milyon ton göstərilib.
