![]({"full":{"0":"2018\/12\/Faiz.jpg","1":750,"2":431,"3":false,"file":"https:\/\/novator.az\/wp-content\/uploads\/2018\/12\/Faiz.jpg"}})
Dövlət Statistika Komitəsinin hesabatına görə, yanvar-iyun aylarında Azərbaycanın kənd təsərrüfatında istehsal 2023-cü ilin ilk yarısı ilə müqayisədə 0,3 faiz artıb, heyvandarlıq məhsulları istehsalında 2,1 faiz yüksəliş, bitkiçilik məhsulları istehsalında 1,4 faiz geriləmə qeydə alınıb.
Nəqliyyat sektorunda yük daşınması üzrə artım 4 faiz, sərnişin daşınması üzrə 8,2 faiz göstərilir, informasiya və rabitə xidmətlərinin həcminin 12,2 faiz, əhalinin gəlirlərinin nominal ifadədə 5,3 faiz, ictimai iaşə dövriyyəsinin real ifadədə 7,8 faiz, ödənişli xidmətlərin dəyərinin real ifadədə 6,9 faiz artdığı bildirilir.
Məlumata əsasən, yarım ildə dövlət büdcəsinə 18 milyard 842,9 milyon manat daxil olub, büdcədən 16 milyard 52,1 milyon manat xərclənib.
2024-cü ilin dövlət büdcəsində 36 milyard 388 milyon manat gəlir, 39 milyard 742,3 milyon manat xərc nəzərdə tutulur. Beş aylıq icra göstəriciləri belədir:
yanvar – 3 milyard 465,9 milyon manat gəlir, 1 milyard 723,6 milyon manat xərc;
fevral – 3 milyard 45 milyon manat gəlir, 3 milyard 529,4 milyon manat xərc;
mart – 2 milyard 723,2 milyon manat gəlir, 3 milyard 159,6 milyon manat xərc;
aprel – 4 milyard 25,3 milyon manat gəlir, 2 milyard 336,9 milyon manat xərc;
may – 2 milyard 746,4 milyon manat gəlir, 2 milyard 723,4 milyon manat xərc.