![]({"full":{"0":"2022\/05\/DSK.jpg","1":754,"2":422,"3":false,"file":"https:\/\/novator.az\/wp-content\/uploads\/2022\/05\/DSK.jpg"}})
Yanvar-iyun aylarında Azərbaycanda 59 milyard 520,4 milyon manatlıq, 2023-cü ilin ilk yarısı ilə müqayisədə 4,3 faiz çox ümumi daxili məhsul (ÜDM) istehsal olunub. Hesabatı yayan Dövlət Statistika Komitəsi iqtisadiyyatın neft-qaz sektorunda 0,6 faiz, qeyri-neft/qaz sektorunda 6,9 faiz artımın qeydə alındığını bildirir, əhalinin hər nəfərinə düşən ÜDM-i 5840,7 manat göstərir.
Rəsmi məlumata görə, yarım ildə əsas kapitala 7 milyard 984,8 milyon manat məbləğində investisiya yönəldilib, neft-qaz sektoruna yatırım 4,5 faiz, qeyri-neft/qaz sektoruna 12,6 faiz artıb.
Sənayenin neft-qaz sektorunda məhsul istehsalının 0,3 faiz, qeyri-neft/qaz sektorunda 7,4 faiz artdığı vurğulanır.
Hesabata əsasən, iyunda istehlak qiymətləri 2023-cü ilin eyni ayına nisbətən 1,1 faiz artıb, qida məhsulları, içkilər və tütün məmulatları 0,2 faiz, qeyri-qida məhsulları 1 faiz, ödənişli xidmətlər 2,4 faiz bahalaşıb.
Qeyd olunur ki, yarım ildə pərakəndə ticarət dövriyyəsi real ifadədə 3,4 faiz artıb, yanvar-may aylarında 104 ölkəyə
ixrac, 154 ölkədən idxal qeydə alınıb, 2023-cü ilin eyni dövrü ilə müqayisədə xarici ticarət dövriyyəsi real ifadədə 7,6 faiz (idxal 7,8 faiz, ixrac 7,6 faiz) azalıb.