Fransa: solçular önə çıxır
Fransa parlamentinin aşağı palatasına – Milli Məclisə iyunun 30-u və iyulun 7-də keçirilmiş növbədənkənar seçkinin ilkin nəticələri açıqlanıb. Məlumata görə, solçuları birləşdirən Yeni Xalq Cəbhəsi 577 yerlik qanunverici orqanda 182 mandata sahib çıxır.
Prezident Emmanuel Makronun İntibah Partiyası və müttəfiqləri 168, ifrat sağ mövqeli Milli Birlik Partiyası 143, Respublikaçılar Partiyası 45 mandatla göstərilir.
Emmanuel Makron 2017 və 2022-ci illərdə prezident seçilib. O, iyunun 9-da Milli Məclisi buraxaraq növbədənkənar seçki təyin edib.
Fransada hökumət həm prezident seçkisinin, həm də Milli Məclisə seçkinin nəticələri əsasında formalaşır.
