Qonşuluqda qiymətlər
İyunda Gürcüstanın istehlak bazarında qiymətlər 2023-cü ilin eyni ayına nəzərən 2,2 faiz artıb. Hesabatı yayan Milli Statistika Xidməti nəqliyyat xidmətlərində bahalaşmanı 11 faiz, mehmanxana və ictimai iaşə xidmətlərində 7,5 faiz, təhsil sahəsində 3,8 faiz, spirtli içkilər və tütün məmulatlarında 3,4 faiz, ərzaq və spirtsiz içkilərdə 1,9 faiz göstərir.
Rəsmi məlumata görə, geyim və ayaqqabılar 3,8 faiz, mebel və məişət əşyaları 3,3 faiz, kommunal xidmətlər 2,2 faiz, rabitə xidmətləri 1,5 faiz, istirahət, əyləncə və mədəniyyət sektoru 0,7 faiz, səhiyyə xidmətləri 0,2 faiz ucuzlaşıb.
Ermənistanın Statistika Komitəsi bildirir ki, iyunda istehlak bazarı 2023-cü ilin eyni ayına nəzərən 0,8 faiz bahalaşıb, nəqliyyat xidmətlərində qiymət 10,8 faiz, alkoqollu içkilər və tütün məmulatlarında, təhsil sahəsində 4,8 faiz, restoran və mehmanxana xidmətlərində 3,2 faiz, səhiyyə xidmətlərində 0,9 faiz, istirahət və mədəniyyət xidmətlərində 0,6 faiz, rabitə xidmətlərində 0,2 faiz artıb.
Hesabata əsasən, geyim və ayaqqabılar 1,9 faiz, məişət avadanlıqları 1,3 faiz, ərzaq və spirtsiz içkilər 0,7 faiz, kommunal xidmətlər 0,4 faiz ucuzlaşıb.
