Müsavatdan seçki qərarı
Müsavat Partiyası sentyabrın 1-nə təyin olunmuş növbədənkənar parlament seçkisinə qatılır. Qərar partiya Məclisinin 4 iyul iclasında qəbul edilib.
125 nəfərlik parlamentə – Milli Məclisə seçki dairələr üzrə keçirilir. Deputat seçilməyə nisbi səs çoxluğu kifayətdir.
Namizədin müdafiəsi üçün onun irəli sürüldüyü seçki dairəsinin ərazisində seçicilərin azı 450 imzası toplanmalıdır. Rəsmi qeydiyyat iyulun 13-də başlayır, avqustun 2-si saat 18-də bitir.
Seçkiqabağı təşviqat avqustun 9-dan 31-i saat səhər 8-dək aparılacaq.
1911-ci ildə yaradılan Müsavat 1920-ci ildən mühacirətdə fəaliyyət göstərib, 1992-ci ildə Bakıda bərpa olunub.
Hazırda partiyaya İsa Qəmbər başqanlıq edir. 1957-ci il təvəllüdlü İsa Qəmbər milli azadlıq hərəkatının liderlərindəndir. 1990-1995-ci illərdə parlamentin deputatı, 1992-1993-cü illərdə sədri olub, 1992-ci il mayın 18-dən iyunun 17-dək prezident səlahiyyətlərini icra edib.
1993-cü ilin yayında Əbülfəz Elçibəyin başçılıq etdiyi milli demokratik hakimiyyət hərbi-siyasi qiyamla devriləndən sonra bir müddət həbsdə yatıb.
İsa Qəmbər Müsavat Partiyasının bərpasının rəhbərlərindəndir. 1992-2014-cü illərdə başqan olub, 2024-cü il mayın 4-də yenidən həmin posta seçilib.
Parlament seçkisinin dolaşıq tarixi
Parlament seçkisi irəli çəkilir
Parlament seçkisinin qaydaları
