Makron seçkini uduzur
Fransa parlamentinin aşağı palatasına – Milli Məclisə növbədənkənar seçki start götürüb. Rəsmi hesabata görə, iyunun 30-da keçirilmiş birinci turda ifrat sağ mövqeli Milli Birlik Partiyası 33,15 faiz səslə önə çıxıb.
Solçuları birləşdirən Yeni Xalq Cəbhəsi 27,99 faiz, prezident Emmanuel Makronun İntibah Partiyası və müttəfiqləri 20,04 faiz, Respublikaçılar Partiyası 6,57 faiz səslə göstərilir.
Milli Məclis 577 təkmandatlı dairədə seçilir.
İkinci tur iyulun 7-nə təyin olunub.
Emmanuel Makron 2017 və 2022-ci illərdə prezident mandatı alıb. O, iyunun 9-da Milli Məclisi buraxaraq növbədənkənar seçki təyin edib. 2022-ci ildə seçilmiş qanunverici orqanda İntibah Partiyası və müttəfiqləri 250, müxalif qüvvələr 320 mandatla təmsil olunurdu.
