Büdcə yeniliyi parlamentdən keçdi
2024-cü ilin dövlət büdcəsinə dəyişikliklər layihəsi parlamentin 25 iyun iclasında son oxunuşdan keçib. Layihədə gəlirlər 36 milyard 353 milyon manat, xərclər 39 milyard 707,3 milyon manat göstərilir.
İlkin hesabata görə, yanvar-may aylarında dövlət büdcəsinə 16 milyard 5,9 milyon manat vəsait gəlib, büdcədən 13 milyard 472,9 milyon manat xərclənib. İlk dörd ayda icra belə rəsmiləşib:
yanvar – 3 milyard 465,9 milyon manat gəlir, 1 milyard 723,6 milyon manat xərc;
fevral – 3 milyard 45 milyon manat gəlir, 3 milyard 529,4 milyon manat xərc;
mart – 2 milyard 723,2 milyon manat gəlir, 3 milyard 159,6 milyon manat xərc;
aprel – 4 milyard 25,3 milyon manat gəlir, 2 milyard 336,9 milyon manat xərc.
Yenilənən dövlət büdcəsində bir barrel neftin qiyməti 60 dollardan 75 dollara qaldırılır.
İyunun 25-də “AzəriLayt” markalı Azərbaycan neftinin barreli 88,58 dollara satılır. Yanvar 80,19, fevral 86,28, mart 87,51, aprel 91,85, may 89,10, iyun 82,75 dollarla başlayıb.
