Fələstin qərarı
Ermənistanın Xarici İşlər Nazirliyi iyunun 21-də bəyanat yayaraq Fələstinin müstəqil dövlət kimi tanındığını açıqlayıb. Bununla Fələstin Dövlətini tanıyan ölkələrin sayı 147-yə çatıb.
1947-ci ildə BMT Fələstin torpaqlarının bölünərək ərazidə İsrail və Fələstin dövlətlərinin qurulmasına qərar verib. Fələstin 1988-ci il noyabrın 15-də müstəqil dövlət elan olunub.
Azərbaycan Fələstinin müstəqilliyini 15 aprel 1992-ci ildə tanıyıb.
2012-ci il noyabrın 29-da Fələstin BMT üzvü olmayan müşahidəçi dövlət statusu alıb. BMT-nin Fələstinə ayırdığı ərazilərin xeyli hissəsi İsrailin işğalındadır.
