Beş ayın xarici ticarəti
Beş ayın xarici ticarət statistikası açıqlanıb. Dövlət Gömrük Komitəsi bildirir ki, 2024-cü ilin yanvar-may aylarında 164 ölkə ilə ticarət əməliyyatı aparılıb, 11,1 milyard dollarlıq ixrac, 7,3 milyard dollarlıq idxal qeydə alınıb.
İxrac yanvarda 1,8 milyard dollar, fevral və mayda 2,9 milyard dollar, martda 1,2 milyard dollar, apreldə 2,1 milyard dollar, idxal yanvarda 1,1 milyard dollar, fevralda 1,3 milyard dollar, martda 1,2 milyard dollar, apreldə 1,7 milyard dollar, mayda 1,8 milyard dollar göstərilib.
Hesabata görə, ixracın 5,6 faizi MDB ölkələrinə, 57,9 faizi Avropa İttifaqı ölkələrinə, 36,5 faizi başqa ölkələrə yönəlib, idxalda MDB-nin payı 26,1 faiz, Avropa İttifaqının payı 14,3 faiz, başqa ölkələrin payı 59,6 faiz olub.
Rəsmi məlumata əsasən, ticarət dövriyyəsində və ixracda əsas tərəfdaş İtaliya, idxalda əsas tərəfdaş Çindir, ixracın 88,6 faizi neft-qaz sektorunun payına düşüb, idxalda ən böyük pay maşın, mexanizm, elektrik aparatları, avadanlıqlar və onların hissələrini əhatə edib: 19,8 faiz.
