Ermənistanın istehlak bazarı
Ermənistanın Statistika Komitəsi bildirir ki, mayda istehlak bazarı 2023-cü ilin eyni ayına nəzərən 0,3 faiz bahalaşıb. Nəqliyyat xidmətlərində qiymət artımı 10 faiz, alkoqollu içkilər və tütün məmulatlarında 6,3 faiz, təhsil sahəsində 4,8 faiz, restoran və mehmanxana xidmətlərində 3,6 faiz, səhiyyə xidmətlərində 0,6 faiz, istirahət və mədəniyyət xidmətlərində 0,5 faiz, rabitə xidmətlərində 0,3 faiz göstərilir.
Hesabata görə, ərzaq və spirtsiz içkilər 2 faiz, geyim və ayaqqabılar 1,3 faiz, məişət avadanlıqları 1 faiz, kommunal xidmətlər 0,6 faiz ucuzlaşıb.
Yumurtanın 6,8 faiz, qəhvənin 5,6 faiz, tərəvəzin 4,4 faiz dəyər artırdığı, bir çox məhsulun qiymətində isə düşmə qeydə alındığı vurğulanır: kərə yağı – 6,3 faiz, bitki yağı – 18,6 faiz, marqarin – 22,9 faiz, pendir – 7,4 faiz, makaron – 9,1 faiz, şəkər – 4,8 faiz, quş əti – 4,6 faiz.
