Təmsilçilik norması
2024-2025 mövsümündə Avropanın klub turnirlərinə UEFA-nın 54 üzvünün (Rusiya yarışlardan kənardır) 236 komandası buraxılıb.
Novator.az bildirir ki, Almaniya və İtaliya yola 8, İngiltərə, İspaniya və Fransa 7, Niderland 6 komanda ilə çıxacaq.
Portuqaliya, Belçika, Şotlandiya, Avstriya, Serbiya, Türkiyə, İsveçrə, Ukrayna və Çexiya 5 komanda ilə təmsil olunacaq.
Norveç, Danimarka, Xorvatiya, Yunanıstan, İsrail, Kipr, İsveç, Polşa, Macarıstan, Rumıniya, Bolqarıstan, Slovakiya, Azərbaycan, Qazaxıstan, Sloveniya, Moldova, Kosovo, Latviya, İrlandiya, Finlandiya, Litva, Ermənistan, Belarus, Bosniya, Lüksemburq, Farer adaları, Şimali İrlandiya, Malta, Gürcüstan, Estoniya, İslandiya, Albaniya və Uels 4 bilet alıb.
Cəbəllütariq, Şimali Makedoniya, Andorra, Monteneqro və San Marino 3, Lixtenşteyn 1 komanda ilə yarışacaq.
Çempionlar Liqası 2024-cü il iyulun 9-da başlayıb 2025-ci il mayın 31-də, Avropa Liqası 2024-cü il iyulun 11-də başlayıb 2025-ci il mayın 21-də, Konfrans Liqası 2024-cü il iyulun 11-də başlayıb 2025-ci il mayın 28-də bitəcək.
