Yenilənmiş seçkilər
İyunun 2-si Türkiyənin 3 rayonu və 4 qəsəbəsində bələdiyyə başçısı postuna seçkilər yenilənib. İlkin nəticələrə görə, Ədalət və İnkişaf Partiyası 1 rayon, 2 qəsəbədə, Cümhuriyyət Xalq Partiyası 1 rayon, 1 qəsəbədə, Xalqların Bərabərlik və Demokratiya Partiyası 1 rayonda, Milliyyətçi Hərəkat Partiyası 1 qəsəbədə önə çıxıb.
Martın 31-də keçirilmiş yerli seçkilərdə Cümhuriyyət Xalq Partiyası 14 böyük şəhər, 21 şəhər, 314 rayon, 60 qəsəbədə, Ədalət və İnkişaf Partiyası 12 böyük şəhər, 12 şəhər, 346 rayon, 168 qəsəbədə, Xalqların Bərabərlik və Demokratiya Partiyası 3 böyük şəhər, 7 şəhər, 57 rayon, 10 qəsəbədə, Yenidən Rifah Partiyası 1 böyük şəhər, 1 şəhər, 37 rayon, 24 qəsəbədə bələdiyyə başçısı postunu götürüb.
Milliyyətçi Hərəkat Partiyası 8 şəhər, 114 rayon, 96 qəsəbədə, Yaxşı Partiya 1 şəhər, 22 rayon, 7 qəsəbədə, Böyük Birlik Partiyası 1 şəhər, 13 rayon, 6 qəsəbədə qalib göstərilib.
Qalan partiyalar üzrə bölgü belədir:
Demokrat Partiyası – 2 rayon, 3 qəsəbə;
Demokratiya və Sıçrayış Partiyası – 1 rayon, 3 qəsəbə;
Səadət Partiyası – 1 rayon, 3 qəsəbə;
Demokratik Sol Partiya – 1 rayon, 1 qəsəbə;
Sol Partiya – 1 rayon, 1 qəsəbə;
Türkiyə Fəhlə Partiyası – 1 rayon;
Hür Dava Partiyası – 1 qəsəbə;
Məmləkət Partiyası – 1 qəsəbə.
Partiyasız namizədlər 9 rayon və 2 qəsəbədə zəfər əldə edib.
