Hasilat norması dəyişmir
Neft ixracatçılarını birləşdirən OPEK təşkilatı və tərəfdaşlarının əldə etdiyi yeni razılaşmaya görə, Azərbaycanın gündəlik xam neft hasilatı 2025-ci ildə də 551 min barreli ötə bilməz.
2024-cü il üçün 551 min barrel norması qüvvədədir, hasilat yanvarda 474 min barrel, fevral və apreldə 476 min barrel, martda 481 min barrel göstərilib.
OPEK-ə Birləşmiş Ərəb Əmirlikləri, Ekvatorial Qvineya, Əlcəzair, İraq, İran, Konqo, Küveyt, Liviya, Qabon, Nigeriya, Səudiyyə Ərəbistanı, Venesuela daxildir.
OPEK+ koalisiyasında Azərbaycan, Bəhreyn, Braziliya, Bruney, Cənubi Sudan, Qazaxıstan, Malayziya, Meksika, Oman, Rusiya, Sudan da təmsil olunur.
Azərbaycanın 2024-cü il büdcəsində bir barrel neft 60 dollardan götürülüb. Qiyməti 75 dollara qaldırmaq planı var.
“AzəriLayt” markalı Azərbaycan nefti yanvara 80,19, fevrala 86,28, marta 87,51, aprelə 91,85, maya 89,10, iyuna 82,75 dollarla başlayıb.
