Günün və ayların qiyməti
Rəsmi hesabata görə, 2024-cü ilin yanvar-aprel aylarında “AzəriLayt” markalı Azərbaycan neftinin barrelinin orta ixrac qiyməti 87,3 dollar olub, bu da büdcə parametrlərinin hesablanması zamanı götürülmüş qiymətdən 27,3 dollar çoxdur.
2024-cü ilin dövlət büdcəsində bir barrel neft 60 dollardan götürülüb. Qiyməti 75 dollara qaldırmaq planı var.
Mayın 30-da “AzəriLayt”ın barreli 84,93 dollara satılır. Yanvar 80,19, fevral 86,28, mart 87,51, aprel 91,85, may 89,10 dollarla başlayıb.
Yanvar-aprel aylarında Azərbaycanda 7,9 milyon ton neft çıxarılıb, ölkədən 4,3 milyard dollarlıq xam neft və xam neft məhsulu ixrac olunub.
Beynəlxalq öhdəlik gündəlik xam neft hasilatı normasını 551 min barrel müəyyən edib, hasilat yanvarda 474 min barrel, fevral və apreldə 476 min barrel, martda 481 min barrel göstərilib.
