Harada nə qədər maaş verilir?
Dövlət Statistika Komitəsi 2024-cü il aprelin 1-nə Azərbaycanın muzdlu işçilərinin orta aylıq maaşını 985,3 manat göstərib. Hesabata görə, Bakıda orta maaş 1243,7, Daşkəsəndə 1006,3, Ağdərədə 961,8 manat olub.
Şuşada orta maaş 879, Sumqayıtda 872,7, Xankəndidə 865,9, Zəngilanda 845,6, Şirvan şəhərində 845,4, Gədəbəydə 838,3, Naxçıvan şəhərində 837,7, Qubadlıda 800,5 manat həddində rəsmiləşib.
Kəngərlidə orta maaşın 779,3, Xocalıda 744,7, Cəbrayılda 728,4, Şahbuzda 726,4, Siyəzəndə 717,7, Gəncədə 716,9, Abşeron rayonunda 713,4, Ordubadda 706,6, Xocavənddə 703,9 manata çatdığı bildirilir.
Qalan bölgələrdə orta aylıq nominal əməkhaqqı 700 manata çatmır.
