Müsavatın yenilənmiş rəhbərliyi
Novator.az Müsavat Partiyasının yenilənmiş rəhbərliyini təqdim edir:
başqan – İsa Qəmbər;
başqanın müavinləri – Fərəc Kərimli, Gülağa Aslanlı, Mustafa Hacıbəyli, Nüşabə Sadıxlı, Razim Əmiraslanlı, Səxavət Soltanlı;
Məclis sədri – Arif Hacılı;
Məclisin katibi – Fəridə Ələsgərli;
Divan üzvləri – Almaz Əliqızı, Fərəc Kərimli, Fəridə Ələsgərli, Gülağa Aslanlı, Hidayət İsmayıl, Könül Alıyeva, Mirbaba Babayev, Mustafa Hacıbəyli, Nemət Kərimli, Nüşabə Sadıxlı, Razim Əmiraslanlı, Səxavət Soltanlı, Yusif Mehdi;
Mərkəzi Nəzarət-Təftiş Komissiyasının sədri – Əziz Əlişov.
Müsavat Partiyasının mayın 4-5-də keçirilən 11-ci qurultayında təşkilati məsələlərə baxılıb, başqan, Mərkəzi Nəzarət-Təftiş Komissiyası və Məclis üzvləri seçilib.
Məclisin 18 may iclasında sədr, katib, Divan üzvləri seçilib, başqan müavinləri təsdiqlənib.
1911-ci ildə yaradılan Müsavat 1920-ci ildən mühacirətdə fəaliyyət göstərib, 1992-ci ildə Bakıda bərpa olunub. Partiyanın ilk başqanı Məhəmməd Əmin Rəsulzadə, ikinci başqanı Mirzə Bala Məmmədzadə, üçüncü başqanı Kərim Odər, dördüncü başqanı Məhəmməd Azər Aran, beşinci və yeddinci başqanı İsa Qəmbər, altıncı başqanı Arif Hacılıdır.
Müsavatın nizamnaməsinə görə, bütün partiya orqanlarına və seçkili vəzifələrə seçkilər və onlardan xaricetmə gizli səsvermə ilə aparılır.
Partiyanın bütün seçkili kollegial orqanlarında yerlərin ən azı 1/4-i qadınlar üçün ayrılır.
Partiyanın başqanı, Mərkəzi Nəzarət-Təftiş Komissiyasının sədri, rayon (şəhər), Naxçıvan Muxtar Respublikası təşkilatlarının, xüsusi statuslu təşkilatların (Müsavatçı Qadınlar Birliyi, Müsavatçı Gənclər Təşkilatı) sədrləri və nəzarət-təftiş komissiyalarının sədrləri ardıcıl iki müddətdən artıq eyni vəzifəyə seçilə bilməz.
Partiyanın ali idarəetmə orqanı qurultaydır.
Qurultaylararası dövrdə partiyanın bütün fəaliyyətinə Məclis rəhbərlik edir. Partiyanın başqanı və sabiq başqanları Məclisin üzvləridir.
Məclisin iclasları arasındakı dövrdə partiyanın fəaliyyətinə Divan rəhbərlik edir. Divan partiyanın başqanından, Məclisin sədrindən və Məclisin müəyyən etdiyi sayda digər Divan üzvlərindən ibarətdir.
Partiyanın ali seçkili vəzifəli şəxsi sayılan başqan hər hansı səbəbdən öz vəzifəsini icra edə bilmədikdə onun bütün səlahiyyətlərini Məclisin sədri həyata keçirir.
