Xarici ticarətin dörd ayı
2024-cü ilin dörd aylıq xarici ticarət statistikası açıqlanıb. Dövlət Gömrük Komitəsinin hesabatına görə, yanvar-aprel aylarında 156 ölkə ilə ticarət əməliyyatı aparılıb, ixrac 8,1 milyard dolları, idxal 5,4 milyard dolları ötüb. Yanvarda ixrac 1,8 milyard dollar, fevralda 2,9 milyard dollar, martda 1,2 milyard dollar, apreldə 2,1 milyard dollar göstərilib. İdxal statistikası belədir: yanvar – 1,1 milyard dollar, fevral – 1,3 milyard dollar, mart – 1,2 milyard dollar, aprel – 1,7 milyard dollar.
İxracın 5,6 faizindən çoxu MDB ölkələrinə, 55,3 faizi Avropa İttifaqı ölkələrinə, 39 faizindən çoxu başqa ölkələrə yönəlib, idxalda MDB-nin payı 26,6 faiz, Avropa İttifaqının payı 14,4 faizdən çox, başqa ölkələrin payı 59 faizə yaxın olub.
Əsas tərəfdaşlar siyahısına 3 milyard 42,4 milyon dollarla İtaliya başçılıq edir, Türkiyə ilə ticarət dövriyyəsi 2 milyard 37,9 milyon dollar, Rusiya ilə 1,3 milyard dollar göstərilir.
İtaliyaya 2,8 milyard dollar, Türkiyəyə 1,3 milyard dollar, İsrailə 626,2 milyon dollar dəyərində ixrac qeydə alınıb.
İdxalda 1 milyard 30,7 milyon dollarla Çin birincidir. Rusiyadan 982,9 milyon, Türkiyədən 728,7 milyon dollarlıq idxal rəsmiləşib.
Rəsmi məlumata əsasən, ixracın 88,7 faizi neft-qaz sektorunun payına düşüb, idxalda ən böyük pay maşın, mexanizm, elektrik aparatları, avadanlıqlar və onların hissələrini əhatə edib: 20,6 faiz.
