Azərbaycandan neft alan ölkələr
2024-cü ilin yanvar-aprel aylarında Azərbaycandan 4,3 milyard dollarlıq xam neft və xam neft məhsulu ixrac olunub. Dövlət Gömrük Komitəsi ixrac ünvanlarını statistik dəyərə görə belə sıralayır: İtaliya, İsrail, Hindistan, Almaniya, Çexiya, Rumıniya, Tailand, Tunis, Portuqaliya, Xorvatiya, Türkiyə, Polşa, Fransa, İndoneziya, İspaniya, Yunanıstan, Serbiya, Böyük Britaniya, Özbəkistan.
Dörd ayda ölkədə 7,9 milyon ton neft çıxarılıb. Beynəlxalq öhdəlik gündəlik xam neft hasilatı normasını 551 min barrel müəyyən edib, hasilat yanvarda 474 min barrel, fevral və apreldə 476 min barrel, martda 481 min barrel göstərilib.
Mayın 16-da “AzəriLayt” markalı Azərbaycan neftinin barreli 83,94 dollara satılır.
Dövlət büdcəsində bir barrel neft 60 dollardan götürülüb, “AzəriLayt” yanvara 80,19, fevrala 86,28, marta 87,51, aprelə 91,85, maya 89,10 dollarla başlayıb.
