Seçki yarışı prezidenti önə çıxardı
Litvada mayın 12-də keçirilmiş prezident seçkisinin ilkin nəticələri açıqlanıb. Rəsmi hesabata görə, 8 namizədin qatıldığı səsvermədə 44,19 faizlə dövlət başçısı Gitanas Nauseda önə çıxıb, baş nazir İnqrida Şimonite 19,78 faiz səs yığıb. Onlar mayın 26-na təyin olunmuş ikinci turda yarışacaqlar.
1964-cü il təvəllüdlü Gitanas Nauseda 2019-cu il mayın 26-da prezident seçilib, iyulun 12-də səlahiyyətlərinin icrasına başlayıb.
1974-cü ildə doğulan İnqrida Şimonite 2020-ci il dekabrın 11-dən baş nazirdir.
Litvada hökumət parlament seçkisinin nəticələri əsasında formalaşır.
