Rəsmi: inflyasiya dayanıb
Dövlət Statistika Komitəsi bildirir ki, apreldə Azərbaycanda istehlak qiymətləri 2023-cü ilin eyni ayına nəzərən dəyişməyib, qida məhsulları, içkilər və tütün məmulatları 1,8 faiz ucuzlaşıb, qeyri-qida məhsulları 0,9 faiz, ödənişli xidmətlər 2 faiz bahalaşıb.
Hesabata görə, mart ayı ilə müqayisədə 0,1 faiz ucuzlaşma qeydə alınıb, qida məhsulları, içkilər və tütün məmulatlarının qiyməti 0,4 faiz düşüb.
1992-ci ildə Azərbaycanda qiymətlər 10,1 dəfə, 1993-cü ildə 12,3 dəfə, 1994-cü ildə 17,6 dəfə, 1995-ci ildə 5,1 dəfə artıb, 1996-cı ildə 19,9 faiz, 1997-ci ildə 3,7 faiz inflyasiya gedib.
1998-ci il 0,8 faiz, 1999-cu il 8,5 faiz ucuzlaşma ilə bitib.
2000-ci ildə 1,8 faiz, 2001-ci ildə 1,5 faiz, 2002-ci ildə 2,8 faiz, 2003-cü ildə 2,2 faiz, 2004-cü ildə 6,7 faiz, 2005-ci ildə 9,6 faiz, 2006-cı ildə 8,3 faiz, 2007-ci ildə 16,7 faiz, 2008-ci ildə 20,8 faiz, 2009-cu ildə 1,5 faiz, 2010-cu ildə 5,7 faiz, 2011-ci ildə 7,9 faiz, 2012-ci ildə 1,1 faiz, 2013-cü ildə 2,4 faiz, 2014-cü ildə 1,4 faiz, 2015-ci ildə 4 faiz, 2016-cı ildə 12,4 faiz, 2017-ci ildə 12,9 faiz, 2018-ci ildə 2,3 faiz, 2019-cu ildə 2,6 faiz, 2020-ci ildə 2,8 faiz, 2021-ci ildə 6,7 faiz, 2022-ci ildə 13,9 faiz, 2023-cü ildə 8,8 faiz inflyasiya rəsmiləşib.
