İsveçdə İsveçrə möhürü
İsveçin Malmö şəhərinin ev sahibi olduğu “Avroviziya 2024” beynəlxalq mahnı müsabiqəsi İsveçrə təmsilçisi Nemo Mettlerin qələbəsi ilə başa çatıb. Müğənni mayın 11-də keçirilən finalda tamaşaçılar və münsiflərdən 591 xal alıb.
İctimai teleradioları cəmləyən Avropa Yayım Birliyinin 1956-cı ildən keçirdiyi “Avroviziya”da İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, İsveçrə, Danimarka, İtaliya, Norveç və Ukrayna 3, Avstriya, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib gəlib.
Azərbaycan 16 yarışa qatılıb, 2008-ci ildə 8-ci yeri, 2009-cu ildə 3-cü yeri, 2010-cu ildə 5-ci yeri, 2011-ci ildə 1-ci yeri, 2012-ci ildə 4-cü yeri, 2013-cü ildə 2-ci yeri, 2014-cü ildə 22-ci yeri, 2015-ci ildə 12-ci yeri, 2016-cı ildə 17-ci yeri, 2017-ci ildə 14-cü yeri, 2019-cu ildə 8-ci yeri, 2021-ci ildə 20-ci yeri, 2022-ci ildə 16-cı yeri tutub, 2018, 2023 və 2024-cü illərdə yarımfinalda ələnib.
