6 il 2 ayın bir qiyməti
Azərbaycan Mərkəzi Bankı mayın 7-də ABŞ dollarının kursunu 1,7 manat həddində saxlayıb, bununla qiymət sabitliyinin 6 il 2 ayı tamamlanıb.
2015-ci ilin devalvasiyalarında dolların rəsmi məzənnəsi 0,7844 manatdan 1,5594 manata yüksəlib.
2016-cı ildə qiymət 1,7707 manata çatıb.
2017-ci ilin fevralında maksimal kurs qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Manat valyuta hərraclarında qorunur. Dövlət Neft Fondu Mərkəzi Bankın 2024-cü ilin yanvar-aprel aylarında keçirdiyi valyuta hərraclarında 2 milyard 459,2 milyon ABŞ dolları məbləğində vəsait satıb.
2016-cı ildə fonddan 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard, 2022-ci ildə 4,7 milyard, 2023-cü ildə 2,7 milyard dollar alınıb.
