Günün və ayların qiyməti
Energetika Nazirliyinin 2 may məlumatına görə, “AzəriLayt” markalı neftin barrelinin qiyməti 86,63 dollara enib.
Azərbaycanın 2024-cü il büdcəsində bir barrel neft 60 dollardan götürülüb, “AzəriLayt” yanvara 80,19, fevrala 86,28, marta 87,51, aprelə 91,85, maya 89,10 dollarla başlayıb.
Beynəlxalq öhdəliyə görə, Azərbaycanın gündəlik xam neft hasilatı 551 min barreli ötə bilməz.
İlk rübdə ölkədə 7,3 milyon ton neft çıxarılıb, xaricə 3 milyard 490,1 milyon dollarlıq xam neft və xam neft məhsulu ixrac olunub.
