Neftsiz ixrac hesabatı
İqtisadi İslahatların Təhlili və Kommunikasiya Mərkəzinin hesabatına görə, 2024-cü ilin ilk rübündə Azərbaycandan 673,7 milyon ABŞ dolları dəyərində qeyri-neft məhsulu ixrac olunub. İxrac malları siyahısında pambıq mahlıcı 56,5 milyon dollarla birinci, pomidor (tomat) 45 milyon dollarla ikinci, elektrik enerjisi 40,6 milyon dollarla üçüncü yerdə göstərilir.
Əsas ünvanlar siyahısında yer alan Rusiyaya 225,5 milyon, Türkiyəyə 150,3 milyon, Gürcüstana 59,9 milyon, Ukraynaya 24,2 milyon, Qırğızıstana 20,8 milyon dollarlıq ixracın rəsmiləşdiyi bildirilir.
