Yaxşı Partiyada Müsavat dönəmi
Türkiyənin əsas müxalif qurumlarından olan Yaxşı Partiyanın lideri dəyişib. Aprelin 27-də keçirilən növbədənkənar qurultayda Müsavat Dərvişoğlu sədr seçilib.
2017-ci il oktyabrın 25-də yaradılan Yaxşı Partiyanın ilk sədri Maral Akşener aprelin 8-də açıqlama yayaraq postunu buraxmaq anonsu vermişdi.
1960-cı il təvəllüdlü Müsavat Dərvişoğlu 1978-ci ildən siyasətdədir. Millətçi gənclər qurumlarında, Milliyyətçi Hərəkat Partiyasının rəhbərliyində təmsil olunub, 2018 və 2023-cü illərdə parlament üzvü seçilib.
Türkiyə Böyük Millət Məclisində hakim Ədalət və İnkişaf Partiyasının 265 mandatı var. Cümhuriyyət Xalq Partiyası 126, Xalqların Bərabərlik və Demokratiya Partiyası 57, Milliyyətçi Hərəkat Partiyası 50, Yaxşı Partiya 38, Səadət Partiyası 20, Demokratiya və Sıçrayış Partiyası 15, Hür Dava Partiyası 4, Yenidən Rifah Partiyası 4, Demokrat Partiyası 3, Türkiyə Fəhlə Partiyası 3, Əmək Partiyası 2, Demokratik Bölgələr Partiyası 2, Demokratik Sol Partiya 1 mandata sahibdir.
