Azərbaycanın nə qədər borcu var?
Maliyyə Nazirliyinin hesabatına görə, 2024-cü il aprelin 1-nə Azərbaycanın 5 milyard 507,3 milyon ABŞ dolları məbləğində xarici dövlət borcu olub. Yanvarın 1-nə borc məbləği 6 milyard 461,2 milyon dollar göstərilmişdi.
2011-ci ilə 3 milyard 857,3 milyon dollar, 2012-ci ilə 4 milyard 816,7 milyon dollar, 2013-cü ilə 5 milyard 708,4 milyon dollar, 2014-cü ilə 4 milyard 753,2 milyon manat (həmin dövrün rəsmi məzənnəsi ilə 6 milyard 58,9 milyon dollara yaxın) xarici borc qeydə alınıb.
2015-ci il 6 milyard 478,2 milyon dollar, 2016-cı il 6 milyard 894,3 milyon dollar, 2017-ci il 6 milyard 913,2 milyon dollar, 2018-ci il 9 milyard 398,3 milyon dollar, 2019-cu il 8 milyard 927 milyon dollar, 2020-ci il 8 milyard 320 milyon dollar, 2021-ci il 8 milyard 100,4 milyon dollar, 2022-ci il 7 milyard 393,4 milyon dollar, 2023-cü il 6 milyard 693,2 milyon dollarla başlayıb.
