Nöqsan məbləği: 1,9 milyard manat
Hesablama Palatası Milli Məclisə 2023-cü ilin hesabatını təqdim edib. Rəsmi məlumata görə, 2023-cü ildə ümumilikdə 41 audit (səmərəlilik, maliyyə, uyğunluq auditləri) aparılıb, 4 analitik fəaliyyət gerçəkləşib. Dövlət maliyyəsinin idarə edilməsində aşkarlanmış nöqsan məbləği 1 milyard 971,9 milyon manat göstərilir. Bunun 103,2 milyon manatı büdcəyə zərər, 459,3 milyon manatı başqa maliyyə pozuntuları, 1 milyard 252,6 milyon manatı maliyyə hesabatlarında, büdcə və mühasibat uçotundakı təhriflər, 156,8 milyon manatı səmərəsiz xərclərdir.
Hesablama Palatası Milli Məclisin yaratdığı, kənar dövlət maliyyə nəzarətini həyata keçirən ali audit orqanıdır, sədr, sədr müavini və 5 auditordan ibarətdir. 2013-cü ildən quruma Vüqar Gülməmmədov sədrlik edir.
