“Media haqqında” qanun yenilənir
“Media haqqında” qanuna dəyişikliklər parlamentin 19 aprel iclasında son oxunuşdan keçib. Yenilik Naxçıvan Muxtar Respublikasının Ali Məclisinə çap mediası subyektinin təsisçisi olmaq hüququ verir.
2022-ci ildə qüvvəyə minən qanuna görə, Milli Məclis, Konstitusiya Məhkəməsi, Ali Məhkəmə və siyahısını prezidentin müəyyən etdiyi orqanlar (qurumlar) çap mediası subyekti təsis edə bilər. Dövlət başçısı siyahının təsdiqlədiyi siyahıda Prezidentin İşlər İdarəsi, Elm və Təhsil Nazirliyi, Ədliyyə Nazirliyi, Müdafiə Nazirliyi, Daxili İşlər Nazirliyi, Mədəniyyət Nazirliyi, Dövlət Sərhəd Xidməti, Dövlət Neft Şirkəti, Azərbaycan Milli Elmlər Akademiyası, Dövlət İmtahan Mərkəzi yer alır.
Ayda azı 1 dəfə davamlı olaraq yayımlanan, birdəfəlik tirajı 100 nüsxədən çox olan, ildə azı 12 dəfə çap olunan qəzetlər və ildə azı 2 dəfə çap olunan jurnal, toplu, bülleten və başqa nəşrlər dövri nəşr sayılır.
Naxçıvan Muxtar Respublikası Azərbaycanın tərkibində muxtar dövlətdir. Bölgədə qanunvericilik hakimiyyətini Ali Məclis həyata keçirir.
