Yox cavabı
Bakı Şəhər İcra Hakimiyyəti müxalif qurumların aprelin 21-nə təyin etdiyi mitinqə yer ayırmaq istəyini geri çevirib.
Demokratik Qüvvələrin Milli Şurası, Azərbaycan Xalq Cəbhəsi Partiyası, Azərbaycan Demokratiya və Rifah Partiyası rəsmilərinin Bakı Şəhər İcra Hakimiyyətinə müraciətində mitinq üçün bu yerlərdən biri istənmişdi: metronun “28 May” stansiyasının qarşısındakı meydan, “Nərimanov” stansiyasının qarşısındakı meydan, “İnşaatçılar” stansiyasının yaxınlığındakı stadion. Təşkilatçılara aprelin 17-də göndərilmiş cavab məktubunda qeyd olunub ki, “İnşaatçılar” stansiyasının yaxınlığındakı stadionda təmir işləri gedir, digər iki meydan isə nəqliyyatın sıx hərəkət etdiyi ərazilərdir.
21 aprel aksiyasında siyasi və sosial tələblər qoymaq nəzərdə tutulurdu.
