İlk rübün xarici ticarəti
2024-cü ilin ilk rübünün xarici ticarət hesabatı yayılıb. Dövlət Gömrük Komitəsinin məlumatına görə, yanvar-mart aylarında 149 ölkə ilə ticarət əməliyyatı aparılıb, ixrac 5,9 milyard dolları, idxal 3,7 milyard dolları ötüb. Yanvarda ixrac 1,8 milyard dollar, fevralda 2,9 milyard dollar, martda 1,2 milyard dollar göstərilib. İdxal statistikası belədir: yanvar – 1,1 milyard dollar, fevral – 1,3 milyard dollar, mart – 1,2 milyard dollar.
İxracın 5,4 faizi MDB ölkələrinə, 50,3 faizi Avropa İttifaqı ölkələrinə, 44,3 faizi başqa ölkələrə yönəlib, idxalda MDB-nin payı 27,1 faiz, Avropa İttifaqının payı 15,3 faiz, başqa ölkələrin payı 57,6 faiz olub.
Dövlət Gömrük Komitəsi beş əsas tərəfdaşı dövriyyəyə görə belə sıralayıb: İtaliya, Türkiyə, Rusiya, Çin, İsrail.
Hesabata əsasən, ixracın 88,7 faizi neft-qaz sektoruna aid olub, idxalda ən böyük pay maşın, mexanizm, elektrik aparatları, avadanlıqlar və onların hissələrini əhatə edib: 21,9 faiz.
