Azərbaycandan neft alan ölkələr
2024-cü ilin yanvar-mart aylarında Azərbaycandan 3 milyard 490,1 milyon dollarlıq xam neft və xam neft məhsulu ixrac olunub. Dövlət Gömrük Komitəsi ixrac ünvanlarını belə sıralayır: İtaliya, İsrail, Hindistan, Almaniya, Tailand, Tunis, Portuqaliya, Çexiya, Rumıniya, Türkiyə, Polşa, Fransa, İndoneziya, Xorvatiya, İspaniya, Böyük Britaniya, Özbəkistan.
İlk rübdə Azərbaycanda 7,3 milyon ton neft çıxarılıb, gündəlik xam neft hasilatı yanvarda 474 min barrel, fevralda 476 min barrel, martda 481 min barrel göstərilib.
Beynəlxalq öhdəliyə görə, gündəlik hasilat 551 min barreli ötə bilməz.
Dövlət büdcəsində bir barrel neft 60 dollardan götürülüb. Aprelin 16-da “AzəriLayt” markalı Azərbaycan neftinin barreli 92,06 dollara satılır.
