Aksiya müraciəti
Müxalif qurumlar Bakı Şəhər İcra Hakimiyyətinə mitinq müraciəti təqdim edib. “Turan”ın məlumatına görə, Demokratik Qüvvələrin Milli Şurası, Azərbaycan Xalq Cəbhəsi Partiyası, Azərbaycan Demokratiya və Rifah Partiyası rəsmilərinin imzaladığı müraciətdə mitinqin aprelin 21-i saat 15-dən 17-dək keçirilməsi üçün bu yerlərdən biri istənir: metronun “28 May” stansiyasının qarşısındakı meydan, “Nərimanov” stansiyasının qarşısındakı meydan, “İnşaatçılar” stansiyasının yaxınlığındakı stadion.
Aksiyada siyasi məhbuslara azadlıq, seçki islahatlarının aparılması, Rusiya hərbçilərinin Qarabağdan çıxarılması, Azərbaycanla Avropa İttifaqı arasında yeni saziş imzalanması, quru sərhədlərin açılması, maaşların, pensiyaların artırılması, uşaq pulu müəyyən edilməsi tələbləri qoymaq nəzərdə tutulur.
