Hesabat vaxtı
Prezident İlham Əliyevin sədrlik etdiyi Yeni Azərbaycan Partiyası 2023-cü il üzrə maliyyə hesabatı açıqlayıb. Rəsmi məlumata görə, ötən il partiyanın gəliri 32,9 milyon manatı ötüb, bunun 29,6 milyon manatdan çoxu üzvlük haqlarının, 2,4 milyon manata yaxını dövlət yardımının, qalanı başqa mənbələrin payına düşüb.
2023-cü ilin xərcləri 22,7 milyon manatdan çox göstərilir.
Siyasi partiyalar hər il aprelin 1-dək Mərkəzi Seçki Komissiyasına maliyyə hesabatı verməlidir. Hazırda 26 partiya dövlət qeydiyyatındadır: Ağ Partiya, Ana Vətən Partiyası, Azad Vətən Partiyası, Azərbaycan Demokrat Partiyası, Azərbaycan Demokratik Maarifçilik Partiyası, Azərbaycan Xalq Partiyası, Azərbaycan Xalq Cəbhəsi Partiyası, Azərbaycan Milli İstiqlal Partiyası, Azərbaycan Ümid Partiyası, Böyük Azərbaycan Partiyası, Böyük Quruluş Partiyası, Bütöv Azərbaycan Xalq Cəbhəsi Partiyası (adını Ədalət, Hüquq və Demokratiya Partiyasına dəyişib), Demokratik İslahatlar Partiyası, Ədalət Partiyası, Gələcək Azərbaycan Partiyası, Haqq-Ədalət Partiyası, Klassik Xalq Cəbhəsi Partiyası, Milli Cəbhə Partiyası, Milli Dirçəliş Hərəkatı Partiyası, Müasir Müsavat Partiyası, Müsavat Partiyası, Respublikaçı Alternativ Partiyası, Vəhdət Partiyası, Vətəndaş Həmrəyliyi Partiyası, Yeni Azərbaycan Partiyası, Yeni Zaman Partiyası.
Milli Məclisdə təmsil olunan siyasi partiyalar dövlət yardımı alır. Yeni Azərbaycan Partiyası parlamentdə 69 deputatla təmsil olunur.
Vətəndaş Həmrəyliyi Partiyasının 3, Respublikaçı Alternativ Partiyası, Demokratik İslahatlar Partiyası, Böyük Quruluş Partiyası, Bütöv Azərbaycan Xalq Cəbhəsi Partiyası, Ana Vətən Partiyası, Milli Cəbhə Partiyası, Vəhdət Partiyası, Demokratik Maarifçilik Partiyasının 1 mandatı var.
