Azərbaycanın neft satdığı ölkələr
2024-cü ilin yanvar-fevral aylarında Azərbaycandan 2,8 milyard dollarlıq xam neft və xam neft məhsulu ixrac olunub. Dövlət Gömrük Komitəsi ixrac ünvanlarını statistik dəyərə görə belə sıralayıb: İtaliya, İsrail, Hindistan, Tailand, Portuqaliya, Rumıniya, Çexiya, Tunis, Polşa, Fransa, İndoneziya, Almaniya, Xorvatiya, İspaniya, Türkiyə, Özbəkistan.
2024-cü ilin dövlət büdcəsində bir barrel neft 60 dollardan götürülüb, “AzəriLayt” markalı Azərbaycan nefti yanvara 80,19, fevrala 86,28 dollar, marta 87,51 dollarla başlayıb.
Yanvar-fevral aylarında ölkədə 4,8 milyon ton neft çıxarılıb, yanvarda gündəlik xam neft hasilatı 474 min barrel, fevralda 476 min barrel göstərilib.
Beynəlxalq razılaşma gündəlik hasilat normasını 551 min barrel müəyyən edib.
