Azalma və artım statistikası
Dövlət Statistika Komitəsinin hesabatına görə, yanvar-fevral aylarında kənd təsərrüfatının ümumi məhsulu 2023-cü ilin eyni dövrü ilə müqayisədə 0,1 faiz azalıb, heyvandarlıq məhsulları istehsalında 0,3 faiz düşmə, bitkiçilik məhsulları istehsalında 3,8 faiz yüksəliş qeydə alınıb.
Nəqliyyat sektorunda yük daşınmasının 4,1 faiz, sərnişin daşınmasının 8,4 faiz irəli getdiyi xəbər verilir, informasiya və rabitə xidmətlərinin həcmində böyümə 9,4 faiz, iaşə dövriyyəsində real ifadədə 12,8 faiz göstərilir.
Qeyd olunur ki, əhalinin gəlirləri nominal ifadədə 4,7 faiz artıb, iki ayda dövlət büdcəsinə 6 milyard 555 milyon manat gəlib, büdcədən 5 milyard 253 milyon manat xərclənib.
Fevralın 1-nə kredit portfeli milli valyuta ekvivalentində 24 milyard 362,5 milyon manat, əhalinin banklardakı əmanətlərinin milli valyuta ekvivalentində məbləği 13 milyard 116,2 milyon manat olub.
