Kabinetdə bir boşluq
Azərbaycanın Nazirlər Kabinetində bir post – Dini Qurumlarla İş üzrə Dövlət Komitəsinin sədri vəzifəsi boşdur.
Dini Qurumlarla İş üzrə Dövlət Komitəsi 2001-ci il iyunun 21-də yaradılıb, həmin gün Rafiq Əliyev komitə sədri postuna təyinat alıb.
25 iyul 2006-cı ildən Hidayət Orucov, 31 may 2012-ci ildən 2 may 2014-cü ilədək Elşad İskəndərov, 21 iyul 2014-cü ildən Mübariz Qurbanlı sədr olub.
2024-cü il fevralın 16-dan sədrin səlahiyyətləri komitə sədrinin birinci müavini Səyyad Salahlıya həvalə edilib.
Baş nazirin birinci müavini Yaqub Eyyubov 1945-ci, baş nazirin müavini Əli Əhmədov 1953-cü, Milli Arxiv İdarəsinin rəisi Əsgər Rəsulov 1954-cü, baş nazir Əli Əsədov 1956-cı, Dövlət Təhlükəsizliyi Xidmətinin rəisi Əli Nağıyev 1958-ci, müdafiə naziri Zakir Həsənov 1959-cu ildə doğulub.
Fövqəladə hallar naziri Kəmaləddin Heydərov, maliyyə naziri Samir Şərifov 1961-ci, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev, Ailə, Qadın və Uşaq Problemləri üzrə Dövlət Komitəsinin sədri Bahar Muradova 1962-ci, baş nazirin müavini Şahin Mustafayev, Dövlət Gömrük Komitəsinin sədri Şahin Bağırov, Dövlət Statistika Komitəsinin sədri Tahir Budaqov 1965-ci, ekologiya və təbii sərvətlər naziri Muxtar Babayev, Dövlət Sərhəd Xidmətinin rəisi Elçin Quliyev 1967-ci, daxili işlər naziri Vilayət Eyvazov 1968-ci, energetika naziri Pərviz Şahbazov 1969-cu ildə anadan olub.
Səhiyyə naziri Teymur Musayev, Səfərbərlik və Hərbi Xidmətə Çağırış üzrə Dövlət Xidmətinin rəisi Mürsəl İbrahimov, Qida Təhlükəsizliyi Agentliyinin sədri Qoşqar Təhməzli 1970-ci, xarici işlər naziri Ceyhun Bayramov 1973-cü, Dövlət Su Ehtiyatları Agentliyinin sədri Zaur Mikayılov 1974-cü, Dövlət Turizm Agentliyinin sədri Fuad Nağıyev 1975-ci, iqtisadiyyat naziri Mikayıl Cabbarov 1976-cı, rəqəmsal inkişaf və nəqliyyat naziri Rəşad Nəbiyev, Dövlət Şəhərsalma və Arxitektura Komitəsinin sədri Anar Quliyev, Xarici Kəşfiyyat Xidmətinin rəisi Orxan Sultanov 1977-ci, ədliyyə naziri Fərid Əhmədov, gənclər və idman naziri Fərid Qayıbov, mədəniyyət naziri Adil Kərimli, Diasporla İş üzrə Dövlət Komitəsinin sədri Fuad Muradov 1979-cu ildə dünyaya gəlib.
Əmək və əhalinin sosial müdafiəsi naziri Sahil Babayev, Dövlət Miqrasiya Xidmətinin rəisi Vüsal Hüseynov 1980-ci, elm və təhsil naziri Emin Əmrullayev 1982-ci, kənd təsərrüfatı naziri Məcnun Məmmədov 1983-cü, müdafiə sənayesi naziri Vüqar Mustafayev 1986-cı il təvəllüdlüdür.
