Valyuta hərraclarının hesabatı
Rəsmi hesabata görə, Dövlət Neft Fondu Mərkəzi Bankın 2024-cü ilin yanvar-fevral aylarında keçirdiyi valyuta hərraclarında 1 milyard 337,5 milyon ABŞ dolları məbləğində vəsait satıb. Novator.az bildirir ki, yanvarda fonddan 417 milyon, fevralda 920,5 milyon dollar alınıb.
Analoji satış həcmi 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard, 2022-ci ildə 4,7 milyard, 2023-cü ildə 2,7 milyard dollar göstərilib.
2015-2016-cı illərdə dolların rəsmi məzənnəsi 0,7844 manatdan 1,7707 manata yüksəlib. 2017-ci ilin 1-2 fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
