Orta maaş neçə dollardır?
Dövlət Statistika Komitəsi 2024-cü il yanvarın 1-nə muzdlu işçilərin orta aylıq nominal əməkhaqqını 933,8 manat göstərib. Bu, 549,2 dollar deməkdir. 345 manatlıq minimum maaş isə 202,9 dollara bərabərdir.
Novator.az bildirir ki, 2007-ci il fevralın 1-dən minimum əməkhaqqı 50 manat müəyyən edilib. 2008-ci il yanvarın 1-dən məbləğ 60 manata, sentyabrın 1-dən 75 manata qalxıb.
2010-cu il sentyabrın 1-dən 85 manat, 2011-ci il dekabrın 1-dən 93,5 manat minimum maaş qüvvədə olub.
2013-cü il sentyabrın 1-dən minimum əməkhaqqı 105 manata yüksəlib.
2017-ci il yanvarın 1-dən minimum maaş 116 manat, 2018-ci il yanvarın 1-dən 130 manat məbləğində rəsmiləşib.
2019-cu il martın 1-dən 180 manat həddi, sentyabrın 1-dən 250 manat həddi, 2022-ci il yanvarın 1-dən 300 manat həddi, 2023-cü il yanvarın 1-dən 345 manat həddi qüvvəyə minib.
