Prezident Administrasiyası: üç boşluq var
Prezident Administrasiyasında üç məsul vəzifə boşdur: prezidentin köməkçisi, hərbi məsələlər şöbəsinin müdiri; qeyri-hökumət təşkilatları ilə iş və kommunikasiya şöbəsinin müdiri; sənəd dövriyyəsi şöbəsinin müdiri.
Samir Nuriyevin rəhbərlik etdiyi administrasiyada bu şəxslər yer alır:
birinci vitse-prezidentin Katibliyinin rəisi – Altay Həsənov
prezidentin köməkçisi – Cəmilə Abbasova
prezidentin köməkçisi – Anar Ələkbərov
prezidentin sosial-iqtisadi məsələlər üzrə köməkçisi – Xalid Əhədov
prezidentin köməkçisi, dövlət nəzarəti məsələləri şöbəsinin müdiri – Kərəm Həsənov
prezidentin köməkçisi, ərazi-təşkilat məsələləri şöbəsinin müdiri – Zeynal Nağdəliyev
prezidentin köməkçisi, hərbi-texniki təminat məsələləri şöbəsinin müdiri – Andrey Sipilin
prezidentin köməkçisi, hüquq mühafizə orqanları ilə iş şöbəsinin müdiri – Fuad Ələsgərov
prezidentin köməkçisi, xarici siyasət məsələləri şöbəsinin müdiri – Hikmət Hacıyev
prezidentin köməkçisi, iqtisadi məsələlər və innovativ inkişaf siyasəti şöbəsinin müdiri – Şahmar Mövsümov
prezidentin köməkçisi, iqtisadi siyasət və sənaye məsələləri şöbəsinin müdiri – Natiq Əmirov
prezidentin mətbuat katibi – Azər Qasımov
prezidentin protokol xidmətinin rəisi – Arif Səmədov
dövlət qulluğu və kadr məsələləri şöbəsinin müdiri – Tələt Məcidov
gənclər siyasəti və idman məsələləri şöbəsinin müdiri – Yusuf Məmmədəliyev
humanitar siyasət, diaspor, multikulturalizm və dini məsələlər şöbəsinin müdiri – Fərəh Əliyeva
qanunvericilik və hüquq siyasəti şöbəsinin müdiri – Gündüz Kərimov
siyasi partiyalar və qanunvericilik hakimiyyəti ilə əlaqələr şöbəsinin müdiri – Ədalət Vəliyev
vətəndaşların müraciətləri ilə iş şöbəsinin müdiri – Süleyman İsmayılov
prezidentin xüsusi tapşırıqlar üzrə nümayəndəsi – Elçin Əmirbəyov
prezidentin xüsusi tapşırıqlar üzrə nümayəndəsi – Xələf Xələfov
prezidentin Naxçıvan Muxtar Respublikasında səlahiyyətli nümayəndəsi – Fuad Nəcəfli
prezidentin Şuşa rayonunda xüsusi nümayəndəsi – Aydın Kərimov
prezidentin Qarabağ iqtisadi rayonunun işğaldan azad edilmiş ərazilərində xüsusi nümayəndəsi – Emin Hüseynov
prezidentin Cəbrayıl, Qubadlı və Zəngilan rayonlarında xüsusi nümayəndəsi – Vahid Hacıyev
prezidentin Laçın rayonunda xüsusi nümayəndəsi – Məsim Məmmədov.
Prezident Administrasiyasının Milli Məclisə təqdim olunan qanun layihələrini, prezidentin fərman, sərəncam, tapşırıq və müraciətlərinin, habelə digər sənədlərin layihələrini hazırlamaq; qanunların, prezidentin fərman, sərəncam və tapşırıqlarının yerinə yetirilməsinə nəzarət; prezidentin siyasi partiya, ictimai birlik, həmkarlar ittifaqları və yaradıcı birliklər, habelə xarici ölkələrin dövlət orqanları və vəzifəli şəxsləri, yerli və xarici siyasi, ictimai xadimlər, beynəlxalq təşkilatlarla qarşılıqlı əlaqələrini təmin etmək və başqa səlahiyyətləri var.
Bakıda, İstiqlaliyyət küçəsi, 19 ünvanında qərar tutan administrasiyanın binası Prezident Sarayı adlanır.
