İxrac-idxal incəlikləri
2024-cü ilin yanvarında Azərbaycanın ixracının 1,6 milyard dolları neft-qaz sektorunun, 222 milyon 48,6 min dolları qalan sahələrin payına düşüb. Novator.az-ın məlumatına görə, Dövlət Gömrük Komitəsi meyvə-tərəvəz ixracını 54,6 milyon dollar, plastmas və ondan hazırlanan məmulatlar ixracını 31,3 milyon dollar, elektrik enerjisi ixracını 28,7 milyon dollar, kimya sənayesi məhsulları ixracını 22,07 milyon dollar, alüminium və ondan hazırlanan məmulatlar ixracını 15,3 milyon dollar, pambıq lifi ixracını 10,5 milyon dollar göstərir.
Sement ixracı 3,5 milyon dollar, alkoqollu və alkoqolsuz içkilər, sirkə ixracı 3,15 milyon dollar, tərəvəz və meyvələrin emal məhsulları ixracı 3,10 milyon dollar, qara metallar və onlardan hazırlanan məmulatlar ixracı 2,6 milyon dollar, bitki və heyvan mənşəli piylər və yağlar ixracı 1,9 milyon dollar, pambıq iplik ixracı 1,1 milyon dollar, şəkər ixracı 1,03 milyon dollar, çay ixracı 345,5 min dollar dəyərində rəsmiləşib.
Yanvarda 1,1 milyard dollarlıq idxal qeydə alınıb. Əsas məhsullar idxal dəyərinə görə belə sıralanır: maşın, mexanizm, elektrik aparatları, avadanlıqlar və onların hissələri – 231,2 milyon dollar, yeyinti məhsulları – 181,4 milyon dollar, nəqliyyat vasitələri və onların hissələri – 169,6 milyon dollar, qara metallar və onlardan hazırlanan məmulatlar – 89,5 milyon dollar, əczaçılıq məhsulları – 45,4 milyon dollar, plastmas və onlardan hazırlanan məmulatlar – 36,6 milyon dollar, oduncaq və ondan hazırlanan məmulatlar – 27,9 milyon dollar, geyim və geyim ləvazimatı – 19,6 milyon dollar, mebel və onun hissələri – 10,1 milyon dollar, tütün və tütün məmulatları – 8,2 milyon dollar, gübrə – 4,2 milyon dollar.
