Xarici ticarət hesabatı
2024-cü ilin ilk ayının xarici ticarət hesabatı yayılıb. Dövlət Gömrük Komitəsinin açıqlamasına görə, yanvarda 131 ölkə ilə ticarət əməliyyatı aparılıb, ixrac 1,8 milyard dolları, idxal 1,1 milyard dolları ötüb.
İxracın 5,46 faizi MDB ölkələrinə, 39,5 faizi Avropa İttifaqı ölkələrinə, 55,04 faizi başqa ölkələrə yönəlib, idxalda MDB-nin payı 28,11 faiz, Avropa İttifaqının payı 15,55 faiz, başqa ölkələrin payı 56,34 faiz həddində rəsmiləşib.
İxracda əsas tərəfdaş mövqeyində İtaliya, idxalda Çin qərar tutub.
Hesabata əsasən, ixracın 87,96 faizi neft-qaz sektoruna aid olub, idxalda ən böyük pay maşın, mexanizm, elektrik aparatları, avadanlıqlar və onların hissələrini əhatə edib: 20,25 faiz.
