Azərbaycan hansı ölkələrə neft satır?
2024-cü ilin yanvarında Azərbaycandan 863,4 milyon dollarlıq xam neft və xam neft məhsulu ixrac olunub. Dövlət Gömrük Komitəsi ixrac ünvanlarını statistik dəyərə görə belə sıralayıb: İsrail, Tailand, İtaliya, Portuqaliya, Hindistan, Tunis, İndoneziya, İspaniya, Türkiyə, Özbəkistan.
Fevralın 16-da “AzəriLayt” markalı Azərbaycan neftinin barreli 87,51 dollara satılır. Dövlət büdcəsində bir barrel neft 60 dollardan götürülüb. “AzəriLayt” yanvara 80,19, fevrala 86,28 dollarla başlayıb.
2008-ci ildə ölkədə kondensatla birlikdə 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton, 2021-ci ildə 34,6 milyon ton, 2022-ci ildə 32,6 milyon ton, 2023-cü ildə 30,2 milyon ton neft çıxarılıb.
2024-cü ilin yanvarında 2,5 milyon ton hasilat qeydə alınıb. Xam neft üzrə beynəlxalq razılaşma 2024-cü il üçün gündəlik hasilat həddini 551 min barrel müəyyən edib.
