Türkiyədə inflyasiya 65 faizi döyür
Yanvarda Türkiyədə istehlak qiymətləri 2023-cü ilin ilk ayına nəzərən 64,86 faiz yüksəlib. Hesabatı yayan Statistika Qurumu bildirir ki, 143 əsas mal, məhsul və xidmətin 131-də bahalaşma, 8-də ucuzlaşma rəsmiləşib, 4-də qiymət sabit qalıb.
Azərbaycan Mərkəzi Bankı fevralın 5-də 100 Türkiyə lirəsini 5 manat 57 qəpiyə satır.
2021-2023-cü illərdə Azərbaycanda 100 lirənin rəsmi kursu 22 manat 91 qəpikdən 5 manat 76 qəpiyə düşüb, 2024-cü il 5 manat 71 qəpiklə başlayıb.
Hazırda ABŞ dollarının rəsmi məzənnəsi 30,4 lirəni ötür.
Türkiyənin Mərkəzi Bankı lirənin dəyər itirməsini dayandırmaq üçün uçot dərəcəsini (banklara verilən borclar üzrə faiz dərəcəsi) davamlı artırır. 2023-cü il iyunun 22-dən 2024-cü il yanvarın 25-dək uçot dərəcəsi 8,5 faizdən 45 faizə yüksəlib.
