Ermənistan iqtisadiyyatının ili
Ermənistanın Statistika Komitəsi makroiqtisadi hesabat yayıb. Novator.az bildirir ki, açıqlamaya görə, 2023-cü ildə ölkənin ümumi daxili məhsulu 2022-ci ilə nəzərən 9,4 faiz artıb. Ticarət dövriyyəsində yüksəliş 25,7 faiz, tikintidə 14,8 faiz, ödənişli xidmətlərdə 10,3 faiz, sənaye istehsalında 4,1 faiz göstərilir, kənd təsərrüfatında 0,3 faiz geriləmə olduğu xəbər verilir.
Hesabata əsasən, xarici ticarət dövriyyəsində 46 faiz artım rəsmiləşib, ixrac 40,2 faiz, idxal 55,3 faiz çoxalıb.
