Türkiyədə uçot dərəcəsi qalxdı
Türkiyənin Mərkəzi Bankı yanvarın 25-də uçot dərəcəsini (banklara verilən borclar üzrə faiz dərəcəsi) 45 faizə qaldırıb. Qərar Türkiyə lirəsinin dəyər itirməsi fonunda qəbul edilib. 2023-cü il iyunun 22-də uçot dərəcəsi 8,5 faizdən 15 faizə yüksəlmiş, iyulun 20-dən 17,5 faiz, avqustun 24-dən 25 faiz, sentyabrın 21-dən 30 faiz, oktyabrın 26-dan 35 faiz, noyabrın 23-dən 40 faiz, dekabrın 21-dən 42,5 faiz həddi qüvvəyə minmişdi.
Hazırda ABŞ dollarının rəsmi məzənnəsi 30,2 lirəni ötür.
Azərbaycan Mərkəzi Bankı yanvarın 25-də 100 Türkiyə lirəsini 5 manat 62 qəpiyə satır.
2021-2023-cü illərdə Azərbaycanda 100 lirənin rəsmi kursu 22 manat 91 qəpikdən 5 manat 76 qəpiyə düşüb, 2024-cü il 5 manat 71 qəpiklə başlayıb.
