ÜDM-in ili, illəri
2023-cü ildə Azərbaycanda 123 milyard manatlıq, əvvəlki illə müqayisədə 1,1 faiz çox ümumi daxili məhsul (ÜDM) istehsal olunub. Hesabatı yayan Dövlət Statistika Komitəsi bildirir ki, neft-qaz sektorunda 1,7 faiz azalma, qeyri-neft/qaz sektorunda 3,7 faiz artım qeydə alınıb.
Əhalinin hər nəfərinə düşən ÜDM 12114,5 manat göstərilir.
Rəsmi məlumata görə, 2023-cü ildə 66,6 milyard manatlıq sənaye məhsulu istehsal olunub, neft-qaz sektorunda məhsul istehsalı 2 faiz azalıb, qeyri-neft/qaz sektorunda 8 faiz artıb.
Hesabata əsasən, 2023-cü ildə ölkədə 20 milyard 296,6 milyon manat məbləğində (2022-ci illə müqayisədə 9,8 faiz çox) sərmayə yatırılıb. Neft-qaz sektoruna investisiyaların 10,9 faiz, başqa sektorlara yönəldilən vəsaitin 9,3 faiz artdığı vurğulanır.
1995-ci ildə ÜDM-in 11,8 faiz, 2016-cı ildə 3,1 faiz, 2020-ci ildə 4,2 faiz azaldığı bəyan edilib.
1996-cı ildə 1,3 faiz, 1997-ci ildə 5,8 faiz, 1998-ci ildə 10 faiz, 1999-cu ildə 7,4 faiz, 2000-ci ildə 11,1 faiz, 2001-ci ildə 9,9 faiz, 2002-ci ildə 10,6 faiz, 2003-cü ildə 11,2 faiz, 2004-cü ildə 10,2 faiz, 2005-ci ildə 26,4 faiz, 2006-cı ildə 34,5 faiz, 2007-ci ildə 25 faiz, 2008-ci ildə 10,8 faiz, 2009-cu ildə 9,3 faiz, 2010-cu ildə 5 faiz artım olub.
2011-ci il 0,1 faiz, 2012-ci il 2,2 faiz, 2013-cü il 5,8 faiz, 2014-cü il 2,8 faiz, 2015-ci il 1,1 faiz, 2017-ci il 0,2 faiz, 2018-ci il 1,5 faiz, 2019-cu il 2,5 faiz, 2021-ci il 5,6 faiz, 2022-ci il 4,6 faiz artımla bitib.
