Neft Fondunun aktivləri nə qədər artıb?
Dövlət Neft Fondunun hesabatına görə, 2024-cü il yanvarın 1-nə qurumun aktivləri ötən ilin eyni dövrünə nisbətən 14,3 faiz artaraq 56 milyard 69,7 milyon ABŞ dollarına çatıb.
2023-cü ilin gəlirləri 21 milyard 661,9 milyon manat, xərcləri 11 milyard 832,6 milyon manat göstərilir.
2024-cü il üçün gəlirlər 12 milyard 73,2 milyon manat, xərclər 12 milyard 900,2 milyon manat təsdiqlənib. Xərc istiqamətləri belə rəsmiləşib: 2024-cü ilin dövlət büdcəsinə köçürmə – 12 milyard 781 milyon manat; ali təhsil sisteminin beynəlxalq rəqabətliliyinin artırılması proqramı – 33,5 milyon manat; gənclərin xarici ölkələrin nüfuzlu ali təhsil müəssisələrində təhsil almaları proqramı – 47,4 milyon manat; fondun idarə edilməsi xərcləri – 38,2 milyon manat.
Dövlət Neft Fondu 1999-cu ildə yaradılıb.
