Bakının sosial-iqtisadi göstəriciləri
2023-cü ilin yanvar-noyabr aylarında paytaxt sənayesində 51,3 milyard manatlıq istehsal və xidmət qeydə alınıb. Hesabatı yayan Bakı Şəhər Statistika İdarəsi bildirir ki, sənaye məhsulunun 79,3 faizi mədən sektorunun payına düşüb.
Rəsmi açıqlamaya görə, 2022-ci ilin yanvar-noyabr aylarına nəzərən ticarət dövriyyəsinin həcmi 5,4 faiz, ictimai iaşə dövriyyəsinin həcmi real ifadədə 21,5 faiz, ödənişli xidmətlərin dəyəri real ifadədə 18,6 faiz artıb.
Noyabrın 1-nə Bakının muzdlu işçilərinin orta aylıq nominal əməkhaqqı 1168,3 manat göstərilib.
